>>>
>>>لما يكونوا الأهل معصبييييين
>>>
>>>
>>>الواحد لما بده اهله يرضوا عليه بيرد عليهم بس همه لما يكونوا
>>>زهقانين بيتفششوا فيه و هذه بعض الردود لما الأهل يكونوا معصبين
>>>
>>>
>>>
>>>
>>>
>>>
>>>
>>>
>>>
>>>
>>>الأب :يا ولد
>>>الابن و بكل براءة :نعم
>>>الأب:نعامة ترفصك تعال
>>>الابن:ليش شو
>>>سويت؟
>>>الأب: سواك ضريب يخلع رقبتك
>>>الابن:شو فيه؟
>>>الام :شاوي يشوي عضمك رد على ابوك زي العالم المحترمه
>>>الابن :هوه انا حكيت شي؟
>>>الأب:حكحكوا جنابك بالعصايه اوكف عدل يا حيوان
>>>الابن :حاضر
>>>الأم: يحضروا على كبرك لما ابوك يحكي انت بتخرس
>>>الابن:أخرس؟
>>>
>>>الأب:ايوه ان شالله خرسه تخرسك
>>>
>>>الابن:ماشي
>>>الأم:اجاك مشش بركبك ما تقوم منه
>>>الابن :شو هاد مشش.....؟؟
>>>الأب:اما انك قليل حيا و بترد بتم امك هات العصاي و تعال
>>>الابن:انا رديت على امي؟ماما احكي كلمه
>>>الأم:موا يمزعك ....ماما ...حكيتلك اخرس
>>>الابن هون غلب على امره و سكت
>>>الأب:أما جيل قليل حيا...احكي ولك مالك انخرست
>>>
>>>الابن:شو احكي؟ اذا حكيت بتشوفوا كلامي
>>>غلط
>>>الأب:ليش عمي شايفنا و لا حول؟
>>>الابن:لا اله الا الله
>>>الأم :الله ياخدك يا ريتني خلفت ابن جيراننا و لا خلفتك
>>>الأب:انا مش عارف هاد الولد متى بده يصير رجال
>>>في القعده دايما فاضحني وين مااروح
>>>الابن:طيب شو اعمل هلأ مشان تشوفني رجال؟
>>>الأب:ان شالله ما تطيب اخرس
>>>الابن:يا ربيييييييييي خلاص عاد ممكن اروح على غرفتي؟ ليش ناديتوني؟
>>>الأم:اه صحيح انت ليش ناديت عالولد؟
>>>الأب:بتصدقي يا مرة....نسيت مش عارف خلاص روح انقبر
>>>......
>>>.....
>>>!!!!!!!!!!!!!!!
>>>!!:lol!:
موضوع: ليش الواحد بنجلط من اهله مراااات !!!!.... 
الثلاثاء فبراير 06, 2007 11:46 am
